Xa escribín a miña análise dos resultados das próximas eleccións autonómicas en Galicia. Volo extracto:

Comezo a escribir este post ás 21:04 h. do martes 24 de febreiro de 2009, para programalo para que se publique ás 19:45 h. do 1 de febreiro, día das Eleccións autonómicas en Galicia. A esa hora eu estarei nalgún Colexio electoral, como apoderado do PSdeG-PSOE, defendendo os intereses do meu Partido. A esa hora xa terei unha idea de quen será o Presidente da Xunta na nova lexislatura autonómica, deducíndoo dos niveis oficiais de participación que se rexistraran ao mediodía e á media tarde, tendo claro que se aquela é finalmente do 65% (fai catro anos foi do 68%) Touriño será reelixido, e se é menor do 62% a dereita retornará ao poder en Galicia.

[…]

Escribo isto porque teño o convencemento de que o resultado pode ser calquera, cal-que-ra. Lévoo detectando fai días, aínda que o escriba agora, cando faltan seis días para ese momento. Aínda que o diagnóstico de resultado incerto tampouco evidencia que quen isto escribe sexa un lumbreras: O PSdeG e o BNG animan á participación, e a dereita política, mediática e social estimula o espantallo do “todos os políticos son iguais” para animar a abstención …a abstención dos demais, claro, que os seus votarían ata a unha bicicleta, con tal que fose do PP.

Se escribo isto é porque teño unha reflexión que non quero exteriorizar a touro pasado, porque entón veríase como facilona, interesada e oportunista ou polo menos sospeitosa. É unha reflexión breve, brevísima, que cando escribo isto resérvome (ao final direi por que), pero que hoxe trasladarei, literal e completa, e en castelán, aos meus compañeiros de Las Ideas para facerlles dar fe da miña sinceridade, pedíndolles, iso si, que, como coas notas de prensa embargadas, cálenlla ata a súa publicación.

[…]

O 1 de marzo, completo.